Qindra emigrantë shqiptarë po dergjen këto ditë në diell dhe në errësirë në mes të maleve në pritje për të kaluar kufirin për në Greqi.
Prej të paktën 4 ditësh në pikat doganore kryesore të Kakavijës dhe Kapshticës që lidhin Shqipërinë me Greqinë, situata është bërë mjaft e rëndë.
Njësoj si refugjatët e luftès, mijëra emigrantë shqiptarë tashmë që duan të kthehen drejt vendeve të punës, janë lënë nga dy shtetet anëtare të NATO-s, të dergjen.
Por më trågjik është fakti se qeveria shqiptare dhe ministri prej lodre i Jashtëm, apo ministri i “mpirë” i Diasporës, nuk po veprojnë për t’u ardhur në ndihmë.
Por e turpshme ka qenë edhe hipokrizia e ministres së Mbrojtjes, Olta Xhaçka, e cila u duk tejet e “pikëlluar” ditën e djeshme, para kamerave kur u pyet për situatën në Kakavijë dhe Kapshticë.
Sipas informacioneve dhe fotove të siguruara nga “Gazetaatdheu.com”, ministrja Xhaçka, ka shkuar deri në Kakavijë jo me automjetin e saj, por me helikopterin e ushtrisë, që është kthyer në “taksi qeveritare”.
Olta ka preferuar që ta monitorojë nga sipër situatën, për t’i bërë të ditur publikut që kjo s’ishte puna e saj, dhe më pas i është hakërryer gazetarëve për pyetjet e bëra.
“Mesa duket këtë trishtim, Xhaçka, ka vendosur ta ndiejë në një vend luksoz, ku fjetja bëhet në suita dhe pjatat kapin vlerë marramendëse”.
Ish-kryeministri Sali Berisha ka publikuar disa foto të saj.
Ai shkruan se, ajo është fotografuar në një hotel me 5 yje në Himarë, shoqëruar me disa nota ironie.
Ja statusi në facebook i ish-kryeministrit Berisha:
“Ndrikull Xhaçka nga Kakavia kthehet dhe shpreh pikellimin e saj ne Hotelin me pese yje ne Himare. Foto tregon se respekton fort edhe distancen sociale! sb”
[ngg src=”galleries” ids=”327″ display=”basic_imagebrowser”]/Gazetaatdheu.com/
