Gjykata ka lënë në burg 64-vjeçarin nga Vlora, biznesmenin Vesaf Musa, ndërsa akuzohet se ka ngacmuar seksualisht një vajzë 14 vjeç të komunitetit rom. Mësohet se ngjarja ka ndodhur në lagjen e komunitet rom në Levan, pikërisht në banesën e së miturës.
Policia:
Specialistët për Hetimin e Krimeve në Komisariatin e Policisë Fier arrestuan në flagrancë shtetasin V. M., 64 vjeç, banues në Skrofotinë, Vlorë, pasi dyshohet se në Levan ka ngacmuar seksualisht një shtetase të mitur 14 vjeçe. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.