Redaktori i Bild, Julian Reichelt është larguar nga posti, teksa akuzohet për “Marrëdhënie seksuale, gënjeshtra dhe një pagesë sekrete”. Shkarkimi i Reichelt ka ardhur pas hetimit të kryer nga ana e Corriere.it dhe New York Times.
Kjo e fundit botoi edhe një artikull ku akuzonte Reichelt për abuzim me pushtetin. Fill pas këtij publikimi, botuesi i të përditshmes gjermane, pushoi nga puna 41-vjeçarin Julian Reichelt, i cili ishte në pezullim që nga fillimi i këtij viti për shkak se kishte pasur marrëdhënie me anëtare të stafit.
Ndërkohë pas vendimit, erdhi edhe reagimi i Reichelt i cili u shpreh për ngjarjen.
Reichelt tha:
Ajo për të cilën fajësoj veten për më shumë se çdo gjë tjetër është se kam lënduar njerëzit për të cilët kam qenë përgjegjës.
Burimi: theguardian.com/ Përktheu dhe Përshtati: Gazeta Atdheu
