Një 42-vjeçar në Florida të SHBA-ve, është arrestuar sepse përdori një çek falso për të blerë një makinë Porsche me vlerë 140 mijë dollarë.
Case William Kelley, e përdori çekun që kishte printuar nga kompjuteri i tij, në Destin, qarkun e Okaloosa, në datën 27 korrik.
Ai u largua para se shitësit të kuptonin se çeku nuk ishte i vërtetë.
Makina u raportua e vjedhur, kur u pa se çeku ishte i printuar nga kompjuteri.
42-vjeçari, vetëm një ditë më pas, kishte blerë edhe tre orë Rolex, po me të njëjtën skemë.
Ai kishte printuar një çek prej 61521 dollarësh, dhe e shpenzoi në një argjendari në Miramar Beach.
/GazetaAtdheu.com/
