Rruga për të shkuar në Kishën e “Shën Gjonit” në Rrash Kullaj të Gruemirës është e vështirë. Në një pikë duhet të përvishesh pantollonash e të marrësh këpucët në duar
Ky është një kalvar vuajtjesh që duhet ta vuajnë besimtarët dhe turistët që i drejtohen kishës ku përkujtohen javët e Shna Ndout.
Kisha e Shekullit të XII është monument kulturë, por shteti dhe bashkia Malësi e Madhe thuajse e kanë harruar.
Meshtari dom Nikolin Sheldija tregon se besimtarët dhe kisha kanë qënë të gatshme të jenë kontributore, por institucionet nuk kanë reaguar.
Dom Nikolin Sheldija: Besimtarët janë gati të kontribuojnë për të ndërtuar një urë.
Kisha shekullore mund të shfrytëzohet edhe si vend peligrinazhi për turistët e huaj për vjetërsinë dhe rëndësinë historike e kulturore që ka.
