Mes tensioneve dhe përplasjeve të ditëve të fundit mes policisë dhe protestuesve, një moment i filmuar gjatë protestës së sotme sjell një tjetër pamje nga ajo që po ndodh në rrugët e Tiranës.
Në video, një efektiv i Forcave të Ndërhyrjes së Shpejtë shihet pranë disa vajzave protestuese, duke qëndruar mes tyre dhe rreshtit të efektivëve. Sipas personit që ka filmuar skenën, polici u është gjendur pranë vajzave dhe ka ndërhyrë për t’i mbrojtur në një moment tensioni.
Autori i videos tregon se, kur e pa nga afër, shprehu bindjen se në sytë e efektivit dalloi keqardhje, dashamirësi dhe kujdes, duke shtuar se pas uniformës mund të qëndrojë edhe një prind, një vëlla apo një njeri që e kupton frikën e atyre që ka përballë.
Dhjetëra pamje të publikuara gjatë protestave kanë ngritur pikëpyetje serioze për mënyrën si është ushtruar dhuna ndaj protestuesve. Por kjo nuk do të thotë se çdo efektiv është i njëjtë. Në fund të fundit, uniforma nuk e zhduk njerëzoren.
Një moment i tillë nuk i fshin episodet e tjera dhe as përgjegjësinë për çdo shkelje, por tregon se edhe në mes të tensionit, zgjedhja për të mbrojtur dikë mbetet e mundur.
<iframe width=”337″ height=”599″ src=”https://www.youtube.com/embed/KaZauHAc0bc” title=”Një tjetër anë e protestës: Efektivi që mbrojti vajzat protestuese dhe u përkëdheli kokën” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>
