Sipas Hoxhës, të gjithë në Tropojë e dinë se kush e ka bërë këtë krim, por që autoritetet nuk e kanë zbardhur. Gazetari shton se autorët e ngjarjes e kanë mbajtur nën vëzhgim viktimën dhe e dinin që ai nuk ruhej.
“Nje vit me pare, në mbremjen e 5 janarit 2020, Guxim Gjyriçi, 47 vjeç, baba i dy djemve dhe nje vajze, u ekzekutua pas shpine, në ambjentet e karburantit të vet. Guximi sapo kishte mbyllur barin, qe ndodhet brenda karburantit, dhe po drejtohej per në banese, diku 60-70 metra larg.
Vrasesit e kane mbajtur në vezhgim viktimen, e dinin se nuk ruhej dhe kane perfituar nga fakti qe ai ka qene i vetem. Menjehere pas ngjarjes, autoret jane pare te largohen me dy autovetura nga qyteti i Bajram Currit, për të mos u gjendur edhe pas nje viti nga agjensite e zbatimit të ligjit…
Nuk kisha pike dyshimi, para nje viti, ndersa deklaroja ne media se vrasesit e Guximit nuk do te zbuloheshin edhe pse sot në Tropoje, jane te qarte kush fshihet pas kesaj ngjarje…,”– shkruan Hoxha krah fotove të Gjuriçit.
Si u vra Guxim Gjyriqi?
Guxim Gjyriqi, biznesmen dhe djali i tezes së Fatmir Haklajt u ekzekutua me armë zjarri në hyrje të karburantit dhe restorantit të tij në Tropojë. Ngjarja e rëndë ndodhi më 6 janar të vitit të kaluar rreth orës 23:32, në momentin që Gjyriqi ka dalë nga restoranti i tij. Kamerat e sigurisë filmuan makinën e autorëve që largohej me shpejtësinë e dritës pasi vranë biznesmenin e njohur në zonë.
Guxim Gjyriqi njihej në zonë si një njeri i qetë, pa probleme dhe pa precedentë penalë, kështu që pistat ku u hetua ishin dy: konflikte të kohëve të fundit dhe konkurenca për shkak të bizneseve të tij. Gjyriqit iu zbulua dhe një lidhje gjaku me Fatmir Haklajn, të cilin e kishte djalë tezje, por ende nuk dihet nëse ngjarjet kanë lidhje me njëri-tjetrin.
