![Njerku mban të mbyllur në një hapësirë…](https://tvanews.com/wp-content/uploads/2024/01/dv-650x365.jpg)
Një djalë nëntë vjeçar i mbyllur në një dhomë të errët prej dy metrash katrorë, për javë të tëra u zbulua nga policia belge në Marcinel, Charleroi. Kjo u bë e ditur nga zyra e prokurorit publik në Charleroi, duke theksuar se fëmija mund të ketë qenë i mbyllur për javë.
Nëna dhe njerku i fëmijës u fajësuan për këtë ngjarje dhe për ta u lëshua një urdhër arresti. Sipas raportimeve të mediave belge, autoritetet belge zbuluan fëmijën nëntë vjeçar në shtëpinë e familjes në Marsinel të mërkurën e kaluar pas një ankese.
Aty fëmija jetonte në kushte të mjerueshme. “Ishte në një hapësirë shumë të vogël, dy metra katrorë. Ishte mbyllur atje, në errësirë për javë. Do të kryhen teste më gjithëpërfshirëse për të vlerësuar gjendjen e tij shëndetësore në thellësi”, komentoi zyra e prokurorit të Charleroi këtë mëngjes.
Nëna dhe njerku i fëmijës që u arrestuan akuzohen për rrëmbim, privim nga ushqimi, rrahje dhe plagosje dhe trajtim çnjerëzor dhe poshtërues. Dy të pandehurit do të dalin në ditët në vijim përpara gjykatës së Charleroi, e cila do të vendosë nëse do të qëndrojnë apo jo në paraburgim.