Një vajzë pastron shtëpitë tërësisht nudo. Lottie Rae, 32 vjeç, filloi pastrimin e zhveshur në vitin 2017, si një mënyrë për të fituar pak para shtesë dhe mendon se ia ka dalë. Siç mund ta imagjinoni, Lottie ka parë shumë gjatë gjashtë viteve me klientët që respektojnë punën e saj, ata që duan vetëm pak shoqëri dhe të tjerë që shpresojnë për diçka pak më shumë se sa një pastrim.
Lottie, e cila paguhet 50 paund në orë për shërbimet e saj të pastrimit, tha: “Ka njerëz që me paraqitjen time pretendojnë do të marrin diçka tjetër. Unë jam e qartë se jam atje vetëm për të pastruar.”
Rae tregon se ajo ka provuar të shkojë në punë me rroba të vjetra, para se të vendoste të shkonte lakuriq, por gjithmonë kërkon teknika që i sjellin më shumë para.
“Unë jam gjithmonë duke kërkuar mënyra për të fituar para shtesë dhe më pëlqen shumë të jem lakuriq, kështu që mendoj ‘në rregull, do ta provoj’. Punën e parë për të cilën u rezervova nuk e bëra. U tremba pasi pashë shtëpinë në Google Maps dhe ishte afër një pylli dhe supozohej të isha atje në mbrëmje. Por duke parë përpara mendova ‘mund ta bëj këtë’ dhe fillova të pranoj punë. Kam takuar lloj-lloj njerëzish gjatë viteve. Një nga klientët e mi e kam pastruar gjithsej tre herë, dhe shtëpia e tij ishte shtëpia më e pistë që kam hasur ndonjëherë në jetën time, e mbushur plot me papastërti. Por kur arrita atje ai nuk donte që ta pastroja fare. Ai nuk ishte i mërzitur apo i çoroditur, ai donte vetëm shoqëri.
Një djalë tjetër me të cilin kam punuar [për të gjithë gjashtë vjet] është nudist, kështu që për të është diçka normale. Ai është i zhveshur kur unë hyj, pimë një kafe dhe unë luaj me qenin e tij dhe pastaj shkoj në punë. Pasi më shohin ka nga ata klientë që do të zhvishen, disa prej tyre në fillim janë mjaft nervozë dhe i mbajnë rrobat e tyre derisa të jenë mjaft të sigurt për t’i hequr ato. Miqtë dhe familja ime e dinë se çfarë bëj, por mendoj se ata pyesin veten pse e bëj këtë. Ata mendojnë se të gjithë këta burra janë të çuditshëm dhe rrëqethës, por në përgjithësi ata janë njerëz të mirë”, tha Lottie.
