Reperi i njohur Rigels Rajku, ose siç e njohim të gjithë Noizy ka reaguar për herë të parë pasi u arrestua në Kosovë. Në një postim në rrjete sociale, reperi sqaron se nuk ishte në dijeni se ndaj tij ishte lëshuar një urdhër arrest.
Ai thotë se ndalimi ka të bëjë me përplasjen që ka pasur me këngëtarin Cozman dhe mbështetësit e tij para disa vitesh pranë një hoteli në Prishtinë. Midis të tjerash, ai ka dhe disa fjalë për Policinë e Kosovës.
Noizy:
Respekte për policinë e Kosovës por sistemi është m*t. Fakti që dikush vendos të nxjerrë një flet arrest pa të lajmëruar sikur të paktën një herë, ndaç me telefonatë, ndaç me postë, ndaç me email të lënë të kuptosh se mbi policinë janë disa idiota që e komandojnë atë. Më e forta është se më thanë e kemi lajmëruar një shokun tonë që e njeh një shokun tënd për këtë rast.
Ty nuk mund të të gjenim kontakt..vërtet është kaq e vështirë. Nejse. Bëhet fjalë për incidentin që ka ndodhur në Sëiss Diamond në Prishtinë me 13 Shtator 2016. Dhe sipas tyre paskam një gjobë për të paguar dhe janë kujtuar pas 6 vitesh. Por kanë harruar të më kontaktojnë dhe kanë vendosur të nxjerrin fletë arrest. Edhe njëherë respekte për policinë e Kosovës për sjelljen njerëzore.
