I diplomar për aktrim në Ankara, për herë të parë ka nisur aktrimin në vitin 1974 dhe në të njëjtin vit u regjistrua në konservatorin teatror dhe një vit më vonë bëhet pjesë e teatrit më të madh në Turqi.
Më pas luan edhe në role të ndryshme në filma dhe seriale.
Për publikun shqiptar ai u bë i njohur në serialin ”Fate të kryqëzuara” ku luante rolin e Rahmiut, babait të Xhihanit dhe është fjalë për aktorin mjeshtër siç e quajnë mediat turke Civan Canova.
Por këtë radhë aktori vjen në qëndër të vëmëndjes për shkak të fotove të publikuara ditën e djeshme.
Siç duket Civan është bërë nostalgjik pasi ka publikuar disa foto kur ai ishte fëmijë në të cilat shkruante:
”Në këtë foto unë jam gjashtë vjeç dhe doja t’i jepja vetes një paqe të vogël në këtë kaos. Për të kujtuar se si bota për të cilin kisha dëshiruar në atë kohë të ishte një strehë, një vend i sigurtë’.
Përsa i përket jetës personale, Civan në vitin 1998 ai u martua me Azalea Akkoyun, me të cilën u divorcua në vitin 2004.
Civan nuk ka fëmijë, ndërsa vazhdon të jetë pjesë e teatrit shtetëror.
