Kukësi ishte rivali më i afërt për Tiranën këtë sezon në Kategorinë Superiore.
Gjithsesi, dy javë para mbylljes, ekipi verilindor u dorëzua, dhe pas humbjes me Vllazninë, Tirana u shpall matematikisht kampione.
Edhe pse ekipi i drejtuar nga trajneri Shehi ishte në një garë të ethshme me Tiranën, në fund janë treguar “fair-play”.
Kuksianët, nëpërmjet një postimi në rrjetet sociale, kanë uruar Tiranën për titullin e 25-të kampion.
“Kukësi uron klubin e Tiranës për titullin kampion të 25 të fituar këtë sezon, që përkon edhe me 100 vjetorin e klubit. Suksese në Kupat e Europës!”, shkruhet në postimin e Kukësit.
/Gazetaatdheu.com/
