Nuk i ka dalë mirë veprimi një qytetari në SHBA, i cili nuk pranoi të mbante distancimin social kur ia kërkoi policia.
Ndërkohë që efektivët kishin arrestuar një person të dyshuar për vepra kriminale, duke e shtrirë në tokë për t’i vënë prangat, një tjetër person u afrua shumë për të parë se çfarë po ndodhte.
Polici i kërkoi të largohej, por qytetari nuk e zbatoi urdhrin duke detyruar policin të nxirrte pistoletën me elektricitet.
Megjithatë ai nuk e përdori pistoletën, por në vend të saj filloi ta godiste qytetarin e pabindur me grushta, ndërrsa më pas i vuri prangat dhe eshtriu në tokë.
Gjatë këtij operacioni u arrestua edhe një grua e cila tentoi të ndalonte arrestimet, por nuk dihet se cila ishte lidhja e saj me të arrestuarit.
