Moderatorja e njohur e sportit, Eva Murati, ka zbuluar përmes një postimi në “Instastory” se nuk ka përdorur asnjëherë lëndë narkotike.
Eva ndau me ndjekësit një fotografi të realizuar nga filmi i vitit 2000 që mban titullin “Requiem for a dream”.
“Një nga filmat e mi të preferuar dhe arsyeja pse kurrë nuk kam provuar drogë”, ka shkruar Murati bashkëngjitur me imazhin, duke zbuluar kështu një sekret nga jeta e saj. Siç shihet nga fotot, personat që kanë konsumuar lëndë narkotike kanë vuajtur dhe janë shpërfytyruar.
Ndërkohë kujtojmë se në muajin mars të këtij viti, Eva ishte e ftuar në një prej emisioneve më të ndjekur italian të futbollit “Tiki Taka” në “Mediaset 1”.
