Prej të hënës së 18 majit në të gjithë Shqipërinë nisi lehtësimi i masave të izolimit duke zgjatur fashën e orarit të liridaljes dhe hequr autorizimet për këmbësorët dhe makinat. Gjithashtu u hapën lokalet e aktivitete të tjera, që prej thuajse 2 muajsh qëndronin të mbyllura.
Që prej asaj dite të gjithë qytetarët kanë dalë të lirë në rrugë e janë ulur në kafene, duke harruar deri diku edhe masën e distancimit fizik. Për këtë arsye Kreu i Urgjencës Kombëtare, Skënder Brataj iu ka bërë thirrje të gjithë qytetarëve që të tregojnë kujdes me respektimin e rregullave, sepse në fund të majit ose fillim të qershorit mund të përballemi me një rrezik të madh.