Drejtori i Përgjithshëm i Organizatës Botërore të Shëndetit nuk ka “asnjë mandat” për të ftuar Tajvanin të marrë pjesë në asamblenë e tij javën e ardhshme, tha avokati i organizatës të hënën, duke shtuar se shtetet anëtare kishin “pikëpamje të ndryshme” në pjesëmarrjen e ishullit të vetëqeverisur.
Zyrtari kryesor ligjor i OBSH-së Steven Solomon, nëpërmjet një njoftimi në internet, tha se vetëm shtetet anëtare mund të vendosnin se kush merr pjesë në Asamblenë Botërore të Shëndetit (WHA), raporton Reuters.
Tajvani, me mbështetjen e fortë të Shteteve të Bashkuara, e ka rritur lobimin e tij për tu lejuar të marrë pjesë si vëzhgues në takimin e javës së ardhshme të organit vendimmarrës të OBSH, me zemërimin në rritje të Kinës.
Kina kritikoi Zelandën e Re të hënën për mbështetjen e saj për pjesëmarrjen e Tajvanit në WHO, duke thënë se vendi duhet të “ndalojë të bëjë deklarata të gabuara” për këtë çështje për të shmangur dëmtimin e lidhjeve bilaterale. /Syri.net
