Organizata Botërore e Shëndetësisë bëri të ditur të martën se disa trajtime ndaj koronavirusit duket se po kufizojnë ashpërsinë dhe kohëzgjatjen e sëmundjes respiratore.
OBSH tha se po fokusohen për të mësuar më shumë për të paktën katër ose pesë nga ilaçet më premtuese.
Një zëdhënëse e OBSH tha: “Kemi disa ilaçe që duket se kufizojnë ashpërsinë apo kohëzgjatjen e sëmundjes. Por nuk kemi akoma diçka që e vret apo e ndalon virusin”.
“Të dhënat janë pozitive, por duhet të shohim akoma më shumë për të qenë 100 përqind të sigurt që një ilaç i caktuar është i duhuri”.
OBSH nuk tha se cili nga ilaçet po ofron të dhëna premtuese.
Më herët është raportuar se ilaçi antiviral Remdesivir mund të përmirësojë gjendjen e pacientëve me Covid-19.
Kurse një ditë më parë u raportua se në Hong Kong, një kombinim prej tre ilaçesh ka të dhëna pozitive për kurimin e pacientëve. /Syri.net