Një neurolog ka deklaruar se oksidi i azotit është më i rrezikshëm se kokaina. Ai shitet ligjërisht në bombola argjendi një përdorimshe, shpërndahet në balona dhe thithet për të krijuar një ndjenjë të përkohshme relaksi dhe euforie.
Ndërsa substanca është përdorur prej kohësh, tani është rritur numri i personave nga 16 deri në 24 vjeç që e konsumojnë pas pandemisë covid.
“Unë kam qenë një neurolog për 21 vjet dhe kam parë një ndryshim në mënyrën se si po përdoret, që nga pandemia. Krahasuar me më parë, tani vëllimet e oksidit të azotit që konsumohen mund të jenë mjaft të tmerrshme” deklaroi Dr. David Nicholl.
Ndërsa vdekjet e drejtpërdrejta nga thithja e oksidit të azotit janë të rralla, Dr. Nicholl tha se probleme serioze shëndetësore afatgjata mund të shkaktohen prej tij, duke përfshirë dëmtimin e nervave, humbjen e kujtesës dhe paralizën.
