Mitsuo Nakatani është një mjeshtër i orizit mochi dhe ta shikosh atë duke bërë punën e tij është një emocion i vërtetë. Shndërrimi i orizit ngjitës në ushqimin tradicional të Japonisë kërkon goditjen, rrokullisjen dhe copëtimin e orizit ngjitës me shpejtësi marramendëse dhe koordinim të përsosur me ekipin.
Mitsuo Nakatani ka 23 vjet që godet orizin ngjitës mochi në dyqanin e tij, Nakatanidou. Lloji i mochiNakatani për të cilin specializohet është yomogimochi, mochi i përzier me mugwort, i cili i jep asaj një ngjyrë të gjelbër të veçantë.
Procesi që e shndërron orizin ngjitës në formën për t’u ngrënë quhet ” mochi-tsuki” . Teknika e veçantë kërkon që dy persona të punojnë së bashku, me njërin që lag duart, kthen masën e brumit dhe godet me dorë orizin ngjitës në një tas druri, ndërsa tjetri godet me një çekiç druri masën.
Duke punuar me shpejtësi kaq të mëdha, me çdo goditje që i vë duart në rrezik për t’u shtypur nga forca e çekiçit, besimi dhe komunikimi midis punëtorëve është çelësi për të shmangur lëndimet. Thirrjet e koordinuara i lejojnë punëtorët të punojnë në sinkron me njëri-tjetrin me shpejtësi tepër të larta, dhe puna e tyre e shpejtë dhe shfaqja e mahnitshme e aftësisë është dëshmi e përvojës dhe praktikës së tyre shumëvjeçare.