Eksperti i marrëdhënieve ndërkombëtare z. Kreshnik Osmani ka folur në emisionin “Intervista e ditës” në TVA NEWS, mbi marrëdhënien mes Kosovës dhe Shqipërisë.
Ai me keqardhje është shprehur se Shqipëria e anashkalon Kosovën shpeshherë edhe me arrogancë.
“Më vjen keq ta them që Kosova nuk e ka mbështetjen që duhej të kishte nga Shqipëri.
Raportet e Ramës dhe Kurtit kanë kaluar në çështje personale. Kjo mbivendosje e raporteve personale mbi interesat shtetërore e ka dëmtuar bashkëpunimin mes Kosovës dhe Shqipërisë. Ndaj ka qënë e tërhequr dhe ka luajtur agresivisht, ka flirtuar hapur me Vuçiçin dhe Serbinë. Për fat të mirë plani i “Open Balkan” u zhbë! Tirana duhet t’i ketë sytë nga Prishtina dhe Prishtina duhet të kalojë çdo ambicje personale të çdo lideri politik për të parë interesin e çështjes kombëtare.
Edi Rama duhet të kuptojë se Vuçiç e ka humbur lojën, është i tronditur dhe një ditë do ta pranojë pavarësinë e Kosovës. Loja me Beogradin është e humbur ndaj duhen kthyer sytë nga interesat kombëtare.”
