Albana Vokshi akuzon publikisht Vilma Nushin dhe i kërkon SPAK-ut hetim për aferën e shumëpërfolur të Check up-it në shëndetësi.
Deputetja demokrate Albana Vokshi ka paraqitur një kallëzim penal në SPAK ndaj biznesmenes Vilma Nushi, në lidhje me koncesionin e diskutuar të “Check up-it” në sistemin shëndetësor shqiptar.
Burime nga Prokuroria e Posaçme kundër Korrupsionit konfirmojnë se është regjistruar një procedim penal me numrin 122, e vitit 2020. Kjo është hera e parë që një përfaqësuese politike e opozitës ndërmerr një hap të tillë institucional për të çuar për ndjekje penale një emër të lidhur me kontratat e shëndetësisë.
Vokshi pretendon se kontrata e Check up-it ka sjellë kosto të larta për buxhetin e shtetit dhe është përdorur si mjet për përfitime personale në dëm të qytetarëve. Ajo thekson se ky shërbim është mbivlerësuar financiarisht dhe se fondet publike janë shpërdoruar në mënyrë të qëllimshme.
Pavarësisht rëndësisë së padisë, SPAK nuk ka bërë publike detaje të tjera lidhur me hetimin, duke argumentuar se çështja është ende në fazën paraprake. Megjithatë, procedimi i hapur është një tregues i presionit në rritje ndaj praktikave të dyshimta në kontratat publike.
Vilma Nushi, e cila ka qenë përfituese e disa kontratave të mëdha koncesionare në shëndetësi, është përmendur shpesh në media, por kjo është hera e parë që përballet me një kallëzim zyrtar në organet e drejtësisë.
Rasti pritet të nxjerrë në pah jo vetëm mënyrën sesi janë dhënë fondet për këtë kontratë, por edhe përgjegjësit politikë dhe administrativë të kohës që mund të kenë lehtësuar zbatimin e saj.
Ky veprim i Vokshit mund të nxisë hetime të mëtejshme mbi mënyrën e menaxhimit të fondeve publike në sektorin e shëndetësisë, duke vënë në qendër të vëmendjes lidhjet midis biznesit dhe politikës. Ndërkohë kujtojnë se deputetja Vokshi dhe Vilma Nushi janë tashmë në një gjygj për shpifje.
