Dy motoçiklistë janë filmuar duke sulmuar brutalisht një postier në rrugët e frekuentuara të Brooklyn, dhe pamjet janë publikuar nga policia e Nju Yorkut.
Postieri 57-vjeçar i postës USPS po ecte në rrugën Greenpoint, duke shtyrë karrocën e tij, kur dyshja u përpoq t’i bllokonte rrugën duke shkaktuar një debat, tha policia.
Postieri vazhdoi të ecte, por motoçiklisti iu afrua dhe filloi ta godiste, thanë policët. Nga pamjet e filmuara duket që postieri ngre grushtin për t’u mbrojtur ndërsa dy të dyshuarit fillojnë ta grushtojnë dhe shqelmojnë.
Dy kalimtarë të rastit u futën për të ndaluar sulmin. Postieri shkoi në spital, me disa plagë në fytyrë, por edhe me kocka të thyera. Për ngjarjen, akoma nuk ka të arrestuar.
