Parlamenti Evropian në Bruksel ka miratuar shtrëngimin të rregullave evropiane për personat që kërkojnë azil. Deputetët miratuan me shumicë paketën legjislative. Duke bërë këtë, BE-ja po bën “histori”, shkroi presidentja e Parlamentit Roberta Metsola në Platformën X. BE-ja dëshiron të përdorë reformën për të kontrolluar më mirë migrimin në Evropë. Në të ardhmen, procedurat uniforme kufitare duhet të zbatohen në kufijtë e jashtëm të BE-së.
Ministrja e Brendshme Federale Nancy Faeser (SPD) ka qenë pro kësaj pakete rregullash shumë herët, ajo po pret që të vihet në zbatim sa me shpejt. “Pas vitesh negociatash të vështira, ne kemi rënë dakord për këtë paketë gjithëpërfshirëse. Duke bërë këtë, ne kemi kapërcyer një ndarje të thellë në Evropë,” tha Faeser. Gjermania, së bashku me Komisionin e BE-së dhe Presidencën e Këshillit Belg, tani do të “punojnë shumë intensivisht për të zbatuar Sistemin e Përbashkët Evropian të Azilit sa më shpejt të jetë e mundur”.
Reforma parashikon trajtim më të ashpër të njerëzve nga vendet që konsiderohen relativisht të sigurta. Emigrantët do të qëndrojnë në pritje për tre muaj në kufijtë e jashtëm, në kushte të ngjashme me burgun.
Nëse kërkesa e emigrantit nuk aprovohet atëherë nuk do të kryhet depërtimi, ata do të dëbohen jo domosdoshmërisht në vendin e origjinës por edhe në ndonjë vend të tretë.
I ashtuquajturi mekanizëm i solidaritetit do të përdoret gjithashtu për të riorganizuar shpërndarjen e deri në 30,000 njerëzve që kërkojnë mbrojtje në vit brenda BE-së. Vendet që nuk duan të pranojnë asnjë prej këtyre refugjatëve duhet në këmbim të mbështesin vendet e tjera, kryesisht financiarisht.
