Partizani merr një fitore shumë të rëndësishme në këtë javët të fundit të fazës së dytë në Ballsh përballë Bylisit. Në stadiumin “Adush Muca” të kuqtë” e Ilir Dajës mund të konsiderohen me fat, pasi gjithçka filloi me një penallti në disfavorin e tyre. Gjithçka ndodhi në mbyllje të pjesës së parë, kur Broja ndërhyn keq ndaj Harbës. Gjithsesi gabimin e tij e korrigjon Alban Hoxha, duke ruajtur portën e tij të paprekur.
Me fillimin e pjesës së dytë është rasti i Partizanit të fitojë një 11-metërsh. Ymeralilaj ndërhyn në mënyrë të gabuar ndaj Çinarit dhe penalltia ishte e pashmangshme. Eshtë pikërisht shkodrani që e merr përsipër për ta goditur dhe e shndërron në gol.
Në minutën e 81-të Cara realizoi golin e sigurisë për të kuqtë, duke e çuar në 2-0 rezultatin. Pesë minuta më pas Carkanji ngushtoi, duke fiksuar shifrat 2-1 për skuadrën e Dajës. Ishte nje fitore shumë e rendësishme per Partizanit që ngjitet në venidn e dytë tashmë në kuotën e 31 pikëve, 6 më pak se Vllaznia kryesuese. Nga ana tjetër Bylisi ndan vendin e fundit me Skënderbeun në kuotën e 12 pikëve pas dy fazave të para.