Është pushuar nga puna babai i gazetarit Elio Laze, shkrimtari dhe gazetari, Luan Laze, ndërsa lajmin e ka bërë publik vetë ky i fundit nëpërmjet rrjeteve sociale.
Ai tha se, ky propozim lidhet me ministrin Lleshaj dhe kryeministrin Rama, pasi djali i tij u dhunua gjatë protestës për shembjen e Teatrit Kombëtar dhe ishte në krye të detyrë si gazetar.
Ai shprehet se, ishte propozim i Ministrit Lleshi dhe vendimi i kryeministrit Rama, pasi pasqyroi protestën për shembjen e Teatrit dhe kërkoi drejtësi për rrahjen e djalit të tij, që ishte në krye të detyrës.
Reagimi i plotë në rrjetet sociale:
“Me propozim te Ministrit Brendshem, dhe vendim te Kryeministrit te vendit tim, Edi Rama, pushohem nga puna! Arsyeja: Letra publike qe i drejtova Ministit Leshaj per rrahjen e djalit tim gazetarit Elio Laze, ne krye te detyres, duke pasqyruar protesten e artisteve dhe banoreve te Tiranes, per shembjen e Teatrit Kombetar.
Atehere kur pret ti pret pergjigje qe fajtori i policise te identifikohet, dhe te vihej para pergjegjesise, vjen pergjigja: Je i pushuar nga puna! Kjo eshte goditja e dyte qe shteti ushtron ndaj familjen time!
Heren e pare me dhune, dhe tani me buken e perditshme. Vetem sepse djali im ishte ne krye te detyres si gazetar, ndersa babain i tij, sepse ngriti zerin ne mbrojtje te drejtes per proteste, fjales se lire dhe plageve mbi trupin e tim biri! Eshte e drejte themelore te bej kete, si qytetar, si gazetar, shkrimtar dhe si prind!
Por goditja e pare dhe e dyta, vertetuan se keto nuk ushtrohem, aq me pak te njihen nen regjimim e ketij Kryemimistri. E thote vete shpesh here ne intervista se, ”une nuk jam si te tjeret” Faleminderit Edi Rama. Faleminderit Lleshaj!/Gazetaatdheu.com/