Pas Greqisë sot në mëngjes dhe Shqipërisë një ditë më parë, radha i ka ardhur edhe Turqisë të “shkundet” nga tërmeti.
Lëkundje sizmike janë ndjerë para pak momentesh në Turqi, njoftojnë mediat e huaja.
Tërmeti me magnitudë 5.5 të shkallësh Rihter ka rënë 68 km në verilindje të Izmirit dhe 38 km në lindje të Manisës.
Thellësia e lëkundjeve ka qenë 6.2 milje. Ndërsa për momentin nuk ka raportime për dëme materiale apo në njerëz.
Sot gjatë orëve të mëngjesit, lëkundje u ndjenë edhe në Veri të Greqisë deri në Jugun e Shqipërisë në zonën e Sarandës.
Duket se këto ditë pllaka Ballkanike ka qenë nën ndikimin e lëvizjeve gjeologjike, të cilat kanë akumuluar energji dhe tani po çlirohen në zona të ndryshme me anë të lëkundjeve sizmike./Gazetaatdheu.com/
