Ish-presidenti serb Aleksandër Vuçiç ka mbledhur mbështetësit e tij në Sremska Mitrovicë, ku ka paralajmëruar një fazë të re politike për Partinë Përparimtare Serbe, pas humbjes në zgjedhjet e fundit parlamentare. Gjatë takimit të së premtes në mbrëmje, ai deklaroi se partia do të pozicionohet si “opozitë shtetformuese”, ndërsa në aktivitet morën pjesë edhe ish-kryeministrja Ana Bërnabiç, deputetë dhe familjarë të tij.
Momenti që tërhoqi vëmendjen ishte kur Vuçiç mori mikrofonin dhe këndoi këngën nacionaliste serbe “Vidovdan”, e cila lidhet me narrativën historike serbe për Kosovën dhe Betejën e vitit 1389. Gjatë interpretimit, ai këndoi vargje që i referohen Kosovës si pjesë e identitetit dhe shpirtit serb. “Kudo që të shkoj, përsëri tek ti kthehem. Kush mund të ma shkëpusë Kosovën nga shpirti im?”, janë disa nga vargjet e kënduara nga Vuçiç.
Kënga “Vidovdan”, e krijuar në vitin 1989, është shndërruar ndër vite në një simbol të nacionalizmit serb dhe përdoret shpesh në tubime politike për të mobilizuar elektoratin nacionalist. Interpretimi i saj nga Vuçiç në këtë aktivitet riktheu në vëmendje retorikën e tij për Kosovën, në një moment kur partia e tij po përpiqet të përcaktojë rolin e ri në skenën politike serbe.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1603191031004476%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
