Juventusi po i “ndez motorët” pasi pjesa më e madhe e lojtarëve janë rikthyer në Torino.
Cristiano Ronaldo duket se është ndër më optimistët për kthimin në fushë, një temë tepër e diskutueshme ditët e fundit. Aq sa, sipas “Repubblica”, ylli portugez do t’iu zbulonte miqve të tij se ndihej i sigurt: “Do ta shihni, ne do të kthehemi në fushë”.
Pesë herë fituesi i “Topit të Artë” u kthye nga Madeira të hënën, ku kaloi dy muajt e fundit me familjen e tij, në shtëpinë që ka në ishullin luzitan.
Për dy javë ai do të qëndrojë i izoluar më pas do të fillojë stërvitjen individuale.
