Kjo ka qenë një javë e tmerrshme për Elon Musk. Miliarderi pa që pasuria e tij neto ra me 13 miliardë dollarë në vetëm 24 orë. Dhe nuk ishte vetëm fakti që Starship i SpaceX filloi të rrotullohej në mënyrë të pakontrolluar, duke përfunduar në një shpërthim masiv pak pasi kompania hapësinore nisi përpjekjen e parë të lëshimit orbital të raketës.
Musk mori pjesë në ngjarjen në objektet e testimit të kompanisë në Boca Chica, Teksas, duke parë i zymtë teksa raketa filloi të largohej nga kursi.
Ndërsa shumë ekspertë kanë argumentuar që atëherë se shpërthimi kolosal i SpaceX në qiell ishte një sukses për shkak të të dhënave që mblodhi, sipërmarrjet e tjera të mëdha të Musk po vuanin gjithashtu të enjten, me Tesla që zbuloi rezultate zhgënjyese të tremujorit të parë që shkaktuan rënien e aksioneve të prodhuesit të EV mbi nëntë për qind, raporrojnë mediat e huaja.
Ishte një nivel i ulët pothuajse tre-mujor për prodhuesin e makinave, me uljet e çmimeve që rënduan në marzhet e fitimit të kompanisë, duke zhgënjyer Wall Street. Shumë investitorë janë ende të tërbuar plotësisht me Musk për veprimet e tij të vazhdueshme dhe për atë që ata thonë se do të thotë të braktisë rolin e tij dretjtues në Tesla, ndërkohë që është i zënë me SpaceX dhe Twitter.
“Ka zhgënjim kolektiv. Gjatë vitit të kaluar, u bë mjaft e qartë se Tesla vuan nga një problem qeverisjeje”, tha aksioneri i Tesla, Ivan Frishberg.
