Të paktën 14 persona kanë humbur jetën dhe disa të tjerë janë zhdukur, pasi përmbytjet goditën dy nga qytetet e prekura nga tërmetet e 6 shkurtit.
Mediat turke raportojnë se midis viktimave ishin të mbijetuar nga tërmeti që kishin jetuar në shtëpi me kontejnerë që nga tërmetet. Makinat u rrëzuan mbi një përrua uji nëpër rrugët e Sanliurfa, ku 12 persona humbën jetën. Po ashtu, edhe një kontejner që strehonte dy familje në Adiyaman u përfshi nga përmbytjet.
Fatkeqësia e fundit erdhi vetëm pesë javë pas tërmeteve të dyfishta të 6 shkurtit, ku 48,000 njerëz u vranë dhe shumë të tjerë mbetën të pastrehë.
Dy nga të zhdukurit ishin zjarrfikës, tha guvernatori, i cili u bëri thirrje banorëve që të qëndrojnë larg përtmbytjeve. Fatkeqësisë nuk i shpëtoi as një spital, i cili u përmbyt dhe 200 pacientë u shpërngulën diku tjetër.
Presidenti turk Rexhep Tajip Erdogan, ka dërguar ministrin e brendshëm, Suleyman Soylu, në rajonin e përmbytjeve, pasi vetë është i zënë duke u marrë me fushatën e elektorale.