Ajo që ndodhi të hënën e kaluar në mëngjes jashtë klubit në Mykonos, ku një biznesmen grek vrau një të ri shqiptar, ishte rezultat i një sërë ngjarjesh dhe reagimesh momentale.
Përmes informacioneve, dosjes së çështjes si dhe dëshmive të personave që e njihnin 33-vjeçarin mikonian dhe 34-vjeçarin shqiptar që e thërriste me emrin grek “Yiannis”, zbulohet e vërteta për atë që ka ndodhur realisht pak para orës 6 të mëngjesit jashtë lokalit në zonën Skylambela të Mykonos.
“Yiannis” po dëfrehej në lokal dhe në gjendje të dehur u zu me ish-të dashurën, e cila punonte në lokal si kamariere. Thanasis nuk ishte në dyqan. Por kur erdhi në lokal, para se të hynte brenda, ai pa vajzën, me të cilën ishin në një njohje kohët e fundit, në gjendje të keqe psikologjike dhe duke qarë.
Ai iu afrua dhe e pyeti se çfarë kishte ndodhur me të. Por për fat të keq të tyre, shqiptari doli nga dyqani, i pa duke folur dhe më pas shpërtheu ndaj tyre. Nga sa duket, autori dhe viktima kanë pasur një njohje të thjeshtë, pasi vrasësi është pasardhës i një familjeje të njohur mikoniane që ushtrojnë aktivitet në fushën e hoteleve, ndërsa viktima jetonte prej vitesh në ishull. Ai punoi si elektricist dhe dalëngadalë filloi të hapte bizneset e tij.
Vajza foli për median greke “TEMA” ku tha: “Dëgjova se isha molla e sherrit. Kjo nuk është e vërtetë. Unë nuk jam gur skandali dhe kjo që ndodhi nuk është bërë për mua. Unë jam në një gjendje të keqe shpirtërore dhe psikologjike. Jam në shok dhe po mundohem të shërohem.”
