Eskavatorët e oligarkut Bashkim Ulaj vijuan punën gjatë gjithë pasdites së djeshme pas shoqërimit në komisariat të banorëve që kundërshtuan punimet, duke mbrojtur tokat e tyre në fshatin Baks-Rrjoll.
Pamjet tregojnë një mjet gërmues që hap gropa në tokat e banorëve, duke shkulur me gjithë rrënjë pemët që ndodhen aty. Qytetarët që protestuan pyesin: Kush duhet të shkojë në burg – ata që mbrojnë natyrën apo ata që e shkatërrojnë?
“Rrjolli! Kjo eshte video e Rrjollit pasdite! Rinine dhe nje pjese te mire te burrave I kane shoqeruar ne komisariat te Shkodres dhe ata vazhdojne punimet. Kush duhet te jete ne burg ata qe prishin natyren apo ata qe e mbrojne!!! Postoje tltm, flm nga ju!”, shkruan denoncuesi, që ka xhiruar pamjet.
Gjatë protestës, banorët u përballën me ndërhyrje të ashpra nga policia, e cila, u pengoi hyrjen në tokat që i zotërojnë me dokumente të rregullta. Ata akuzojnë oligarkun Bashkim Ulaj për manipulimin e pronësisë, me synimin për të ndërtuar një fshat turistik në zonë.
Pavarësisht presionit, banorët deklarojnë se do të vazhdojnë të mbrojnë tokat e tyre të trashëguara brez pas brezi.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Fjoqalbania%2Fvideos%2F1738266967071784%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
