Pas aksidentit të rëndë mbrëmjen e djeshme, paraditja e kësaj të premteje ka regjistruar një tjetër aksident me pasojë vdekjen.
Një 30-vjeçare ka humbur kontrollin e mjetit, duke dalë nga rruga dhe ka humbur menjëherë jetën nga plagët e marra. Ngjarja e rëndë u regjistrua në në vendin e quajtur Përroi i Rikaj, Kavajë.
Njoftimi i plotë i policisë:
Më datë 10.03.2023, në vendin e quajtur Përroi i Rikaj, Kavajë, shtetasja R. C., 30 vjeçe, duke drejtuar automjetin e saj, dyshohet se ka humbur kontrollin mbi drejtimin e mjetit dhe ka dalë nga rruga.
Si pasojë e aksidentit 30-vjeçarja ka ndërruar jetë në vendngjarje.
Grupi hetimor ndodhet në vendngjarje dhe po punon për sqarimin e rrethanave të ngjarjes.
