Ylli argjentinas Leo Messi ka marrë një kërcënim. Kjo ka ardhur pas publikimit të pamjeve të festës së kombëtares latine, pas fitores 2 me 0 kundër Meksikës, në ndeshjet e Kupës së Botës.
Messi shihet duke shkelmuar një bluzë të rënë dhe një flamur meksikan. Ai gjithashtu u akuzua se fshiu dyshemenë me simbolet e Meksikës.
Boksieri meksikan Canelo Alvarez ka kërcënuar Messin duke i thënë që mos ti dalë përpara.
Ndjekësit dolën në mbrojtje të Messit, duke theksuar se ai nuk është ai lloj personazhi dhe shprehen se veprimi ishte i rastësishëm dhe jo e qëllimshëm.
“Pashë Messin duke pastruar dyshemenë me fanellën dhe flamurin tonë. Shpresoj të mos e gjej para meje! Siç e respektoj unë Argjentinën, ashtu edhe ai duhet të respektojë Meksikën.
Nuk po flas për vendin në tërësi, por vetëm për gjërat që bëri Messi”, ka shkruar në Twitter 32-vjeçari kampion bote.
