Duhet të kthehemi shumë pas në kohë, që të gjejmë një deklaratë publike të ish-kryeminitrit Sali Berisha në mbështetje të Presidentit të Kosovës, Hashim Thaçi.
Megjithatë, çdo gjë e ka një kohë… Këtë të Mërkurë, Berisha ka shprehur mbështetje për Presidentin e Kosovës, pasi Gjykata Speciale e Hagës e akuzoi për krime lufte gjatë periudhës që Thaçi luftonte në radhët e UÇK-së, për çlirimin e Kosovës nga trupat serbe.
‘Akuzat ndaj individeve te veçante nuk mund zbehin luften çlirimtare te Kosoves si faqen me te ndritur te qendreses shqiptare per liri e dinjitet kombetar, qe nga luftrat e Skenderbeut. Uroj qe te akuzuarit te provojne para botes pafajesine e tyre. Vleresoj vendimin e z.Thaçi per te mos perfaqesuar Kosoven ne takimin e Washingtonit’, shkruan Berisha në një postim në Facebook.
Kujtojmë, se së fundmi, Berisha ka hedhur akuza të ashpra ndaj Hashim Thaçit, duke e akuzuar si mbështetës së planit për ndarjen e Kosovës, në një marrëveshje me Serbinë.
/Gazetaatdheu.com/