Instagram është një rrjet social i preferuar për njerëzit, teksa falë të rejave që ofron shihet si platforma më e përdorur.
COVID ka ndryshuar shumë mënyrën se si jetojmë, ndërsa ka reduktuar edhe kontaktet fizike me njerëzit që njohim.
Për këtë ka menduar Instagram, ndërsa po përshtat strategjinë e saj Live, ku u lejon përdoruesve të shtojnë deri në tre persona shtesë në Sesione Drejtpërdrejt përmes Dhomave të Drejtpërdrejta. Karakteristika më e re e Instagramit quhet Live Rooms.
Përmes këtij funksioni, live-t tani mund të bëhen me katër persona në të njëjtën dritare. Përpara se të bëhej ky përditësim i aplikacionit, live-t bëheshin vetëm me dy persona. Përditësimi do të shfaqet në të gjithë botën duke filluar nga sot, megjithëse disa njerëz mund ta mos e shohin menjëherë.
Me nisjen e pandemisë, bisedat me video kanë zëvendësuar takimet fizike, ndërsa Dhomat e Drejtpërdrejta shihen si një përparësi për të mbajtur kontaktet në këtë kohë Covid-i.
Si të përdorni Dhomat e Drejtpërdrejta të Instagram-it?
Klikoni dritaren me shenjën plus në këndin e sipërm të majtë të telefonit tuaj.
Trokisni tek opsioni live.
Shtoni një titull nëse dëshironi.
Klikoni butonin rrethor për të shkuar drejtpërdrejt.
Ndërsa jeni drejtpërdrejt, prekni ikonën Kamera / Dhomat.
Ju do të shihni njerëzit që kanë kërkuar të bashkohen drejtpërdrejt me ju.
Klikoni mbi kërkesën e mysafirit për ta shtuar në Live.
Ju mund të shtoni tre vizitorë në të njëjtën kohë, gjithashtu në momentin që një person largohet nga live ju mund të shtoni një tjetër deri sa të jeni 4 persona live.
