Një ngjarje e rëndë ka ndodhur mesditën e kësaj të enjte në rrugën e Kombit
Paraprakisht raportohet se një kamion është përmbysur në rrugë. Dyshohet se drejtuesi i tij ka humbur jetën.
Mësohet se kamioni ishte ngarkuar më lëndë drusore, ndërsa ngjarja ka ndodhur në Fushë-Dukagjin.
Ai ka prishur trafikndarësen dhe ka kaluar në anën tjetër të rrugës duke u përplasur edhe me pjesën anësore të shkëmbit.
Zjarrfikësit dhe një grup personash po punojnë për të nxjerrë shoferin, i cili ndodhet brenda kamionit.
Një krah i segmentit rrugor është bllokuar, pasi kamioni ka bllokuar të gjithë karrexhatën.
