![Përplasen dy makina në Rrugën e Arbrit](https://tvanews.com/wp-content/uploads/2024/01/f32bb431-80f0-4f91-9cc9-5208410b7bc3-752x440-1-650x365.jpg)
Një aksident automobilistik është regjistruar pasditen e kësaj të djele në rrugën e Arbrit në afërsi të qytetit të Bulqizës.
Nga informacionet paraprake, bëhet e ditur se dy makina janë përplasur me njëra-tjetrën, ku njëra prej tyre është përmbysur në mes të rrugës. Në vendin e ngjarjes ka shkuar autoambulanca, e cila ka bërë dërgimin në spital të të lënduarve.
Nga përplasja e automjeteve të lënduar kanë mbetur dy drejtuesit e tyre. Nuk dihet nëse me ta kanë qenë dhe persona të tjerë, teksa grupi hetimor po punon për përcaktimin e shkaqeve të aksidentit.