Drejtuesi i mjetit, Alban Guri, përplasi ditën e djeshme për vdekje një vajzë 10-vjeçare në Tiranë. Sot ai është arrestuar nga policia pasi pas verifikimeve ai ka qënë nën ndikimin e alkoolit. Shoferi me origjinë nga Kukësi ishte nisur me mjetin tip fouristradë drejt varrezave pasi kishte përvejtorin e gjashtë të babait. Në hetim janë marrë dhe dy persona të tjerë pasi kanë qënë në makinë me Gurin.
Shkak mëoshet se është bërë shpejtësia e lartë, mungesa e sinjalistikës dhe e trotuarit në atë zonë ku ndodhi aksidenti.
NJOFTIMI I POLICISË:
A. G., 49 vjeç, pasi ditën e djeshme, duke drejtuar mjetin nën ndikimin e alkoolit në masën 0.42 mg/l, ka aksidentuar duke u larguar nga vendngjarja, shtetasen e mitur me iniciale A. P., 10 vjeçe, e cila ndërroi jetë në spital.
Babai i vajzës 10-vjeçare është shprehur se e mitura ishte së bashku me gjyshen e saj në rrugë e se shkak është bërë shpejtësia me të cilën po drejtohej mjeti. Ndërkohë dhe vetë drejtuesi i mjetit pohoi ditën e djeshme në polici se e kishte të pamundur që ta shmangte aksidentin.