Gjin Boriçi ishte 38 vjeçari që u vra një ditë më parë në qytetin e Shkodrës.
Ai njihej ndryshe edhe si Gjin Ndoj apo Gjin Frroku.
Policia shprehet se ai është qëlluar me dy plumba në kokë e një në shpatull, që i ka sjellë vdekjen e menjëhershme.
Një nga pistat e hetimit është gjakmarrja. Një xhaxha i viktimës, rreth 15 vite më parë ka vrarë një djalë 16-vjeç.
Pista tjetër është po aq kryesore, që lidhet me aktivitetin e mëparshëm të Gjin Boriçit.
Dyshohet se ngjarja ka lidhje me grupet kriminale të Shkodrës.
Boriçi ka qenë shok me anëtarët e familjes Bajri, më konkretisht Behar Bajrin, i cili sapo ka dalë nga paraburgimi pasi janë pushuar akuzat ndaj tij.
Dyshimet janë se autorët i kanë zënë pritë Gjin Boriçit, dhe më pas e kanë nxjerrë nga makina, edhe duke qëlluar ndaj tij.
Ata nuk kanë shkëmbyer asnjë fjalë, por i kanë dhënë dy plumbat në kokë dhe në shpatull.
Policia dyshon se autorët janë njohës të mirë të zonës ku ndodhi vrasja edhe pse nuk ka arritur ende në identifikimin e tyre.
Mister mbetet rruge se nga kanë ikur autorët pas kryerjes së ekzekutimit.
Një nga drejtimet si mundësi është Torovica e Lezhës. Mundësi e dytë është rruga që të nxjerr tek ura e Gjo Lulit në Velipojë, ose janë larguar në këmbë përmes një mali në zonën e Velipojës.
/Gazetaatdheu.com/
