Tre persona janë ndaluar në zonën e Lunxhërisë në Gjirokastër, pasi dyshohet se kultivonin rreth 1 mijë bimë kanabisi.
Kanabisi është gjetur në një zonë mjaft të pyllëzuar mbi fshatin Dhoskat, ndërsa nuk bëhen me dije identitetet e personave të shoqëruar.
Bimët janë zbuluar në sajë të informacioneve të marra në mënyrë operative nga policia e Gjirokastrës.
Prania e forcave të policisë ka qenë e shtuar në këtë zonë për shkak të flakëve që kanë pushtuar vendin.
Për shkak të situatës me zjarret janë djegur dhjetra hektarë me pyje e kullota. Në Gjirokastër u shënua edhe viktima e parë nga flakët.