Shumë objekte fluturuese të paidentifikuara janë raportuar nga dhjetëra pilotë që kanë fluturuar përtej Oqeanit Paqësor gjatë dy muajve të fundit.
Ben Hansen, një ish-agjent FBI-je dhe drejtuesi i emisionit Discovery +, mori pamje të reja dhe regjistrime të kontrollit të trafikut ajror që tregojnë pilotët e hutuar që përpiqen të përshkruajnë pamjet e çuditshme në ajër.
Ai përpiloi dëshmitë e pilotëve nga Southwest Airlines, Hawaiian Airlines dhe të tjera linja fluturimi midis 6 gushtit dhe 23 shtatorit. Në një rrëfim magjepsës, një ish-pilot ushtarak raportoi se kishte parë aeroplanë të shumtë që fluturonin sipër tij.
“Ne kemi disa avionë në veri këtu dhe rrotullohen në rrathë, në lartësi shumë më të larta se ne. A keni ndonjë ide se çfarë janë?” Piloti Mark Hulsey dërgoi sinjal në radio më 18 gusht ndërsa po fluturonte me një avion charter në brigjet e Los Anxhelosit.
Kontrolluesi i hutuar përgjigjet, duke i thënë pilotit se nuk ishte i sigurt.
Hulsey thirri përsëri 23 minuta më vonë për të thënë se tre avionët që ai kishte raportuar fillimisht ishin bërë shtatë, duke fluturuar sipër mbi të.
