Një ngjarje e rëndë është rëgjistruar në fshatin Selishtë, Dibër. Një i mitur ka plagosur aksidentalisht me armë zjarri nënën e tij.
Mësohet se shtetësja Sh.L rreth 46 vjeçe po merr ndihmë mjekësore në spital dhe ndodhet jashtë rrezikut për jetën.
Shërbimet e Policisë, kanë shkuar menjëherë në vendin e ngjarjes dhe kanë shoqëruar në Komisariat 15-vjeçarin.
Gjithashtu shërbimet e Policisë kanë sekuestruar armën e zjarrit tip kallashnikov.
Grupi hetimor nën drejtimin e Prokurorisë vijon veprimet për dokumentimin e plotë të rrethanave të ngjarjes.
