Një 55 vjeçar është arrestuar në flagrancë ditën e sotme pasi ka goditur me mjet prerës punonjësin e policisë bashkiake gjatë momentit që ky i fundit po ekzekutonte një vendim të ndërmarrë.
Agresori është shtetasi me iniciale M.K., 55 vjeç, banues në lagjen Kushtrim, Berat.
Ndërkohë punonjësi i policisë bashkiake që ka mbetur i plagosur është shtetasi G.Ç., 36 vjeç.
Njoftimi i Plotë
Berat
Nga specialistët e Seksionit për Krimet, u bë arrestimi në flagrancë i shtetasit M.K., 55 vjeç, banues në lagjen Kushtrim, Berat.
Arrestimi i tij u bë pasi, gjatë ekzekutimit të një vendimi nga punonjësit e Bashkisë Berat, i ka kundërshtuar dhe më pas ka goditur me mjet prerës duke i shkaktuar dëmtime, punonjësin e policisë bashkiake, shtetasin G.Ç., 36 vjeç.
Materialet i kaluan Prokurorisë së Rrethit Gjyqësor Berat, për veprime të mëtejshme.
