Pas ngjarjes së rëndë në “Bonnie and Clyde”, ku në një dhomë të këtij hoteli mbeti i plagosur shtetasi Arni Sulejmani, hetimet kanë zbardhur detaje të reja. Mësohet se 3 djemtë që u përfshinë në këtë ngjarje, ndodheshin në një dhomë hoteli me një vajzë transgjinore, e cila u arrestua pasi fshehu armën. Gjithashtu bëhet e ditur se djemtë kanë qenë nën efektin e alkoolit. Ndërkohë shtetasit Markeljan Beqiri dhe Tefik Shehu janë shpallur në kërkim., teksa personat e arrestuar janë e reja transgjinore Anxhela Brisku dhe Enver Hysenaj, i cili strehoi të renë pas ngjarjes.