![Plagosja në Krujë/ Policia ngec në dëborë,…](https://tvanews.com/wp-content/uploads/2024/01/4a4a065109ec4b50bd7925156e904d75-640x365.jpg)
Policia mori një njoftim rreth mesditës së kësaj të hëne se në një fshat të thellë të Krujës, kishte ndodhur një plagosje me armë zjarri ku një person kishte mbetur i lënduar. Së bashku me policinë, në fshatin Bruz Zallë në njësinë administrative Cudhi në Krujë, tentoi të shkojë dhe një autoabulancë për t’i ardhur në ndihmë të lënduarit.
Por ambulanca dhe policia e kanë pasur shumë të vështirë mbërritjen në vendin e ngjarjes, për shkak se rruga që të çon në fshat ishte e bllokuar nga reshjet e dëborës dhe ngricat e stinës.
Nga ngjarja e ndodhur në Bruz Zallë, i plagosur ka mbetur shtetasin 42-vjeçar Agron Asllani, i cili është dërguar në spital ku po mbahet nën kujdesin e mjekëve. Autor i kësaj ngjarje dyshohet të jetë shtetasi Imer Kameri 52-vjeç, i cili edhe pse kanë kaluar disa orë nga ngjarja vijon të jetë në kërkim.
Uniformat blu ndodhen në terren duke bërë krehjen e zonës, ndërsa i paqartë është shkaku i konfliktit që solli në plagosjen e Asllanit.