![Plagosje me armë zjarri, fqinjët në Durrës…](https://tvanews.com/wp-content/uploads/2024/01/sulm-me-arme-1200x630-1-650x365.jpg)
Një konflikt me armë zjarri është regjistruar mbrëmjen e 25 janarit në Durrës. Bëhet e ditiur se sherri ka ndodhur në lagjen nr.4 të qytetit bregdetar. Një i plagosur ka mbetur një 40-vjeçar, pas konfliktit me fqinjin e tij. Shtetasi Gentian Kuqi 50 vjeç, ka plagosur me armë zjarri pistoletë shtetasin Mikel Spirollari 40 vjeç i cili është transportuar menjëherë në spital për ndihmë mjekësore.
Njoftimi i Policisë:
Durrës/Informacion paraprak Në lagjen nr 4 në Durrës, si pasojë e një konflikti të çastit, shtetasi G.K, 50 vjeç, ka plagosur me armë zjarri pistoletë shtetasin M.S, 40 vjeç, (komshi), i cili është transportuar menjëherë në spital për ndihmë mjekësore.
Shërbimet e Policisë me marrjen e njoftimit kanë shkuar menjëherë në vendngjarje dhe kanë rrethuar zonën dhe vijon puna për kapjen e autorit, i cili pas plagosjes së shtetasit M.S, është larguar menjëherë nga vendi i ngjarjes.
Grupi hetimor nën drejtimin e Prokurorit vijon punën për zbardhjen dhe dokumentimin e rrethanave të ngjarjes. Pas sqarimit të rrethanave të ngjarjes do të ketë njoftim të dytë.