Një ngjarje e rëndë është regjistruar në një shesh publik në Conegliano, qytet në provincën e Treviso, Itali, ku të përfshirë në sherr ishin disa të rinj me origjinë shqiptare. Grupi i shqiptarëve kryesisht nga Maqedonia, u konfliktuan fizikisht me njëri tjetrin me sende të forta si shufra hekuri dhe shkopinj.
Për pasojë, një 20-vjeçar shqiptar përfundoi në gjendje të rëndë shëndetësore dhe momentalisht ndodhet në kujdes intensiv, pasi humbi ndjenjat. Videot e sherrit janë bërë virale në rrjetet sociale, ndërkohë që protagonistët e përleshjes arritën t’i shpëtonin policisë para se të mbërrinte në vendngjarje. I dyshuar kryesor në lidhje me ngjarjen është një senegalez 23-vjeçar i cili ndodhet në burgun e Trevisos.