Një sherr ka ndodhur gjatë ndeshjes Gramshi-Ada ku futbollisti i ekipit mik ka goditur gjyqtarin pasi ky I fundit akordoi një penallti në favor të ekipit pritës.
Gramshi shpartalloi 4-0 Adën në këtë ndeshje dhe gjatë lojës në pjesën e dytë 29-vjeçari Valter Përndrecaj, goditi gjyqtarin e ndeshjen Besmir Lecaj, nga Lezha.
Në fakt të dyja ekipet nuk kanë ambicie këtë sezon pasi Gramshi renditet në vendin e pestë dhe e ka humbur mundësinë për të garuar për një nga dy vendet që të çojnë drejt Kategorisë së Parë. Kurse Ada ka siguruar mbijetesën teksa qëndron në pozitën e 10-të në tabelën e renditjes.
NJOFTIMI NGA POLICIA
Gramsh/ Informacion paraprak
Në stadiumin e qytetit të Gramshit në pjesën e dytë gjatë zhvillimit të ndeshjes ndërmjet ekipeve Gramshi -Ada, futbollisti i skuadrës “Ades”, shtetasi V.P., 29 vjeç, banues në Velipojë, ka goditur dhe fyer gjyqtarin e ndeshjes shtetasinB.L., 32 vjeç, banues në Lezhë, pasi lojtari nuk ka qënë dakortë për ekzekutimin të një penalltie.
Lojtari është shoqëruar në Komisariatin e Policisë Gramsh, për veprimet e mëtejshme proceduriale.
