Policia e Lezhës ka arrestuar 4 persona, që janë përplasur me efektivët brenda komisariatit.
Ata kanë kundërshtuar dhe goditur një punonjës të njësisë “Shqiponja”.
Në pranga janë tre vëllezër, dhe një person tjetër, i njohur me ta.
Efektivi i Shqiponjave kishte ndaluar 23 vjeçarin M.L., dhe nuk i ishte bindur urdhrit për paraqitjen e dokumentacionit.
Ai u shoqërua në ambientet e Policisë Shëngjin për verifikim.
Dy vëllezërit e tjerë, dhe shtetasi Xh.V, kanë goditur më pas punonjësin e policisë.
Njoftimi i Policisë:
Policia e Lezhës ka arrestuar katër persona, të cilët janë përplasur me efektivët brenda komisariatit, duke kundërshtuar dhe goditur punonjësin e forcave “Shqiponja”.
Në pranga kanë rënë tre vëllezër dhe një person tjetër, të cilët kanë ndërhyrë me dhunë, pasi policia iu kishte shoqëruar njërin prej vëllezërve.
Njoftimi i policisë:
Kundërshtuan dhe goditën për shkak të detyrës punonjësin e Policisë, brenda ambienteve të stacionit të Policisë Shëngjin, vihen në pranga 4 shtetas.
Shërbimet policore të Komisariatit Lezhë kanë bërë arrestimin në flagrancë të shtetasve M. L., 26 vjeç, M. L., 23 vjeç dhe M. L., 18 vjeç (vëllezër) dhe shtetasit Xh. V., 21 vjeç, banues në fshatin Mërqi, Lezhë.
Dy vëllezërit M. L., 26 vjeç dhe M. L., 18 vjeç, në bashkëpunim me shtetasin Xh. M., në ambientet e stacionit të Policisë Shëngjin kanë goditur punonjësin e Policisë të njësisë operacionale “Shqiponja” në DVP Lezhë, duke i shkaktuar atij dëmtime fizike, për arsye se punonjësit e Policisë kishin shoqëruar vëllanë e tyre, shtetasin M. L., 23 vjeç.
23-vjeçari nuk i ishte bindur urdhrit të punonjësit të Policisë për paraqitjen e dokumentacionit të mjetit dhe për këtë arsye ishte shoqëruar në ambientet e stacionit të Policisë Shëngjin, për verifikim.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme
/Gazetaatdheu.com/
